不過，查實大型紅籌股高層「出事」唔係第一次，經驗告訴阿莊，呢類負面消息一般只會對股價造成短期的震盪，事關講到底大股東係「阿爺」，換過個高層就可以了事，對公司營運基本上唔會有大影響。

所以，若然短線中移股價因呢個消息被質，落到接近今年首季低位63元水平，值得認真考慮趁低吸納。

寒流橫掃內地大部分地區，溫度驟降，令本來正處於需求高峰嘅煤炭，供需情況更加緊張。最慘唔夠兩個月又係春節用電高峰，煤炭需求有增無減。據中國煤炭工業協會資料顯示，截至上月底，全國煤炭庫存按月下降3.6%。雖然整體煤炭產量及銷量均增長，但總體而言，喺需求增速加快之下，短期煤價趨升可以話係「板上釘釘」，煤炭股可以高度關注。

內地煤價穩中有升

本月初，發改委下達通知，取消今年的煤炭合同匯總會，即政府今後將退出煤電談判，並限期三十日完成三方銜接。煤炭業消息稱，明年電煤合同正陸續簽訂，部分大型合同煤價穩中有升。

阿莊相信，站喺「保增長」嘅角度，「阿爺」唔會容許煤價瘋狂上漲，不利民生，但站在實際供需角度睇，煤價穩步上升，係合情合理嘅預期，大環境仍有利煤炭業嘅發展。

煤炭股之中，上周四恒鼎實業（01393）股價有異動，半日成交已多過上日全日成交，股價收報9.53元，創五十二周即市及收市新高。

最近，恒鼎自願披露，自前年九月上市以來，已喺內地額外收購23個煤礦，分別位於貴州及雲南，而截至本月中旬，共擁有42個煤礦。雖然論成本，恒鼎未必及得其他大型煤炭股，但估值相對低，已反映了這些因素。

隨着近期煤炭股氣氛利好，適逢公司主動報告正面訊息，再看近期股價強勢，呢架「順風車」搭得過，目標睇去年七月的11至12元水平，20日線支持在9.1元。