23/12/2009

播放本新聞相關短片
查詢股票編號

洪丕正度假鍾情北海道

今年聖誕市況漸趨穩定,「賓卡」應該有心情放番個輕鬆假期。

渣打香港CEO洪丕正尋日出席完今年最後一場傳媒活動後,今日就會同家人飛去北海道過白色聖誕,去足一個禮拜,滑吓雪食吓嘢。

一家人滑雪歎美食

佢好謙虛咁話,由於自己身形頗高,講到滑雪並唔係高手。有咁多地方可以滑雪,點解偏偏要揀北海道?佢話因為阿爾卑斯山及加拿大嘅雪都唔係好穩定,而北海道嘅雪就比較優質,加上日本嘢好食,故揀去日本。

佢又話渣打股份喺香港嘅交投量升咗好多,今年比去年升多成十倍,佢話因為渣打過去一年多咗人認識,好多流入亞洲嘅外資基金買賣渣打。