美國一直話要維持強美元政策，但講一套做一套，美元弱勢持續，對此中國氣在心頭，但可做嘅唔多。國務院總理溫家寶昨天更直斥，某些國家一方面要求人民幣升值，一方面又對中國實行貿易保護主義，限制中國嘅發展，做法不公，並重申刺激經濟政策不能過早退出，否則會令「成果得而復失」。由此觀之，市場暫時毋須對「退市」作過分憂慮。
至於在組合持股方面，阿莊持重倉嘅中國南車（01766）走勢呈突破，昨日收報5.3元，升7%。此外，聯想（00992）宣布斥2億美元購回早前出售嘅聯想移動，畢竟移動及互聯網市場發展已不可分割，此舉反映公司修正發展策略，消息正面。
今年五月份，國家電網公司正式宣布啟動建設中國智能電網，七月份起所有電錶招標，統一由國家電網公司總部集中負責，而九月份有關新一代符合國家電網公司智能電網建設要求嘅智能電錶、終端系列標準正式完成。
此外，近日內地傳媒報道，除了建設智能電網之外，內地也正計劃喺「十二．五規劃」中提出，建設一個覆蓋水、電、氣、熱力行業嘅新型能源網絡──智能能源網。
其實，不單只中國，全球都在積極投放資源建設智能電網。大摩早前便預計，全球智能電網市場規模將由明年嘅200億美元，擴大至二○三○年嘅1,000億美元，與智能電網相關嘅電錶及電纜生產商值得關注，而喺港股，呢類上市公司唔多，可以
實威勝集團（03393）。
電網改革締造商機
威勝主要做電子錶及數據採集終端產品，今年上半年全面利潤總額7,615萬元人民幣，同比增長1.1倍。由於業務具季節性，下半年多為業務高峰期，故相信下半年將有更佳表現，保守估計預測市盈率約十五倍。
電網改革將為內地智能計量產業造就龐大商機，現正等候國家電網公司啟動大規模採購招標。今年初，國家電網公司旗下嘅中國電力科學研究院，就選擇了威勝作為其電子式電能錶聯合開發項目第一合作夥伴，充分體現威勝嘅競爭優勢。
現價上車值博率高
另外，隨內地推行水價改革，城市供水系統「一戶一錶」的改造機制逐步形成，亦會帶動相關智能計量產品需求。今年七月，威勝曾以先舊後新方式，按每股7元配股集資5.5億元，八月初股價升至8.35元才現整固，昨日收報6.62元。呢類國策股，唔怕佢唔炒，難得可以低於上次配股價上車，股價波幅區介乎6.2至7.5元，突破7.5元，可再試八月高位。