應邀演講 暢談金融

太子聽聞，上個禮拜佢就應民建聯邀請，出席午餐演講。

以任志剛嘅號召力，自然吸引唔少人嚟捧場聽佢演講。演講喺中華總商會舉行，都有十席、八席，非常熱鬧。由於沒有開放畀傳媒，所以大家唔係好知。

有出席演講嘅人士就同太子講，任志剛風采依然，當日主要都係講佢最在行嘅金融同經濟環境，期間亦都有講及衍生工具嘅發展。

大家都知，佢做金管局總裁時，一直都好語重心長，叫人小心風險。太子同意，關於衍生工具，都係嗰句，唔識唔好買，量力而為啦。