大會喺北京搞咗個記者招待會，除咗TOM首席執行官楊國猛、首席財務官麥淑芬、國家體育總局及中國教育電視台嘅高層出席之外，而且仲有「高人」出席，佢就係國家籃球隊嘅主力孫悅。

姚明孫悅任技術指導

自從姚明喺美國NBA打出名堂之後，內地同胞對於籃球嘅熱愛程度與日俱增，加上打籃球較踢足球方便（一個人都打得），內地唔少年輕人都會打籃球，希望效法姚明、易建聯及孫悅呢啲「高人」可以打出個未來。

呢個「大本營」，除咗可通過參與一啲互動環節贏積分及禮物之外，其中一個功能叫「互動課堂」，一大班籃球明星例如姚明、易建聯、孫悅等都會擔任顧問及技術指導，仲會喺網上及網下解答學員提出嘅籃球技術相關問題，聽落好似幾有噱頭。