今日推介中國電力新能源（00735），上周股價突破三角形阻力，急升至0.63元後，出現整固，上周五收報0.6元，升1仙，而20日線升穿100日線，出現中長期嘅黃金交叉買入訊號，股價隨時爆升，值得睇好，短期上升目標0.78元。

集團自○七年轉型發展新能源業務，經過多年嘅耕耘，業績亦轉虧為盈，○九年度（十二月結）上半年盈利達4,295萬元，上升95%，每股獲利0.612仙，下半年有更多風力同垃圾發電項目投產，預期盈利將進一步上升。

集團現時營運中嘅環保發電項目有8個，總裝機容量815.68兆瓦。另外，發展中嘅項目有5個，正待批嘅有4個，而母公司中國電力（02380）於六月注入江蘇大豐風力發電場後，預期仲有多個優資項目可注入，前景肯定亮麗。

中國電力新能源（00735）　目標價：0.78元　止蝕價：0.55元