本周股市焦點離不開奧巴馬訪華，中美雙方談及刺激經濟及推動環保等問題。上周環保股已預先熱身，上周阿莊推介嘅興業太陽能（00750）都有好表現。

放大圖片	放大圖片	放大圖片

華基光電料有後着

上周華基光電（00155）向主要客戶源暢高科技配售6億股，每股作價0.136元，集資8,160萬元。據講呢家源暢高科技集團專做汽車零部件，與華基光電嘅光伏業務已有幾年生意來往，如今入股，相信有進一步合作跟尾，可刀仔鋸大樹。

另一隻可留意嘅係天能動力（00819），事關早前公司已表示就洽購海外電動車項目權益簽訂意向書，一旦洽商有進展，股價具爆發力。再看公司喺上月按每股3.5元配股，近月升上4元樓上橫行，沽壓唔大，等開車格局，現水平落注，料快見5元，穿3.9元止蝕。

順帶一提，曾提及嘅晨鳴紙業（01812）上周五喺大摩等大盤掃高下，單日升15%，阿莊以平均價6元追入8萬股，睇睇短線能否喺7元食胡。