佢原本係上個禮拜一在港返工首日出嚟見傳媒，由於當日有事，加上剛從美國出差回來，改期到尋日至見傳媒。

整靚髮型耳目一新

尋日朝早九點半，佢就準時出現，細看之下，原來佢尋日特別gel咗個頭，怪唔得令人耳目一新啦！

佢話，由於自己明年一月十六日至正式上任行政總裁，喺呢個時間前，佢唔準備接受太多嘅採訪，港交所嘅運作事宜，應該先問番周文耀。而到佢正式上任後，至會向大家交代港交所嘅未來發展同策略。

雖然佢尋日冇接受記者嘅提問，由出現到講完嘢，前後最多不過五分鐘，實在非常「快閃」，但大家對呢位港交所首名來自內地嘅候任行政總裁仍然興趣好大，唔放過採訪佢嘅機會。