今日推介嘅中國龍工（03339）上半年業績受到內地經濟放緩所影響，盈利出現倒退，但管理層早前表示，第三季業務已經由谷底逐步回升，同比銷售額增至超過20%，更有信心全年銷售保持正增長。

○九年上半年，龍工盈利3.61億元（人民幣．下同），倒退40%，盈利大減，其實主要係匯兌收入減少，同可換股票據公允值變動所致，不計此數，核心盈利只減少13%，在金融海嘯下，已屬難能可貴。

內地大搞基建，並已成功「保八」，加上房地產市場興旺，對龍工嘅機械產品需求大增，而最近幾個月鋼價急跌，都對龍工非常有利，估計下半年整體盈利將恢復高增長，預期○九年每股獲利0.35港元，明年將增加至0.43港元。以保守嘅十五倍市盈率計算，中線目標上望6.45元。

走勢上，龍工上周突破複式頭肩底頸線後，出現旗形整固，一旦消化完成，重展升浪，照度上去，短期最少可見5.86元。

中國龍工（03339）　目標價：5.86元　止蝕價：4.40元