就如上周五又輪到中資保險股發圍，中國人壽（02628）、中國平安（02318）及中國財險（02328）分別上升5.7%、5.49%及10.4%，印證阿莊上周指，中資保險股將成追落後對象嘅預測，好在上周開車前已買入首注國壽，上周五見異動再以36.35元追入1萬股，並以平均價7.65元沽出8萬股富士康（02038），短炒獲利約6.3萬元。

太陽日誌

放大圖片

受惠多重利好因素

大市交投回升，直接受惠嘅當然係港交所（00388）。最近高盛亦指出，今年以來，港股平均成交額超過600億元，而近期每日成交額持續趨升，故將港交所投資評級列為「買入」，目標價睇200元，上周五該股收市報145.4元，升0.4元

放大圖片

放大圖片

事實上，今年次季以來本地IPO市場重新活躍起來，加上指數迭創五十二周新高，衍生產品市場亦重現活力。

另一方面，近季A股穩度調整期，整裝待發，外資憧憬明年人民幣升值，積極吸納人民幣資產，令中資股一片牛氣，這些因素都對港股帶來有力支持。

此外，最近有消息指，全球最大鋁業公司─俄羅斯鋁業聯合公司擬於香港掛牌，並已向港交所遞交上市申請，計劃籌集30億美元，而英國保誠保險研究來港或滬上市嘅消息亦不絕於耳。

若然未來國際企業來港掛牌成趨勢，可以話係香港股市發展嘅里程碑，而港交所係直接受益者，照計中長線真係唔怕買嚟坐。

至於短線走勢，第三季以來港交所股價一直喺130至140元水平上落，若能夠在大成交配合下向上突破，季內股價應可挑戰160至170元阻力，支持位喺133元。