機艙放滿油缸

話說有一次佢同班投資者要去哈薩克一個油田視察，眾所周知，油田梗唔會喺市區中心，佢哋要包架飛機去油田，坐嘅係「螺旋槳」飛機，全架機只有10個座位。

咁都未算，飛機一邊係座位，另一邊竟然係油缸，都算係奇景。原來個油田位處沙漠，冇機場同跑道，飛機冇得加油，惟有喺飛機上存備足夠燃油。

艾秉禮講笑話，如果你嫌呢架飛機太過出位，可以選擇坐車，但要坐足十二粒鐘；亦可以坐直升機，但都要坐四粒鐘，中間要停一次加油。

吓？太子好難想像坐直升機要坐四粒鐘，所以話，從事石油礦務等真係唔係易事，有血有汗呢！