專營火力發電業務嘅大唐發電（00991），截至今年六月底止管理裝機容量達2.77萬兆瓦，發電業務分布於華北、甘肅、浙江、雲南、福建、廣東、重慶、青海、江西及遼寧電網。

放大圖片	放大圖片	放大圖片

開拓煤礦控制成本

今年上半年，電力消費及發電設備利用小時下降，係整個行業普遍面對嘅問題。不過，期內大唐嘅平均上網電價仍有所增長，加上公司積極落實增收節支措施，配合五、六月電力需求開始回升，故見中期經營收入同比增長18.9%至206.84億元（人民幣．下同），淨利潤同比增長53%至7.22億元。

大唐位於內蒙嘅「多倫煤化工項目」，以內蒙勝利煤田嘅褐煤作為原料，乃全國最新型嘅煤化工項目，最終產品為年產量46萬噸聚丙烯及其他副產品，項目正如期建設，預計將成為公司盈利嘅新增長點。

此外，大唐位於內蒙嘅勝利東二號煤礦，規劃建設規模達六千萬噸，將主要提供予多倫煤化工等項目使用，首期年產一千萬噸嘅工程已獲國家有關部門核准，並已開始產煤，另二期及三期工程亦已開展。

隨着這個煤礦項目成功開發，未來旗下電廠用煤嘅自給率將會提高，有助更好地控制成本，減少盈利受原料成本價格波動嘅影響。

由於核心業務正在復甦，經營業務現金流增加，將有助改善大唐嘅財務狀況，再加上未來公司獲注資嘅可能性甚高，股價不乏炒作藉口，可延續自去年末季以來嘅上升趨勢。趁過去一個多月股價已作調整，睇位上車，年底前目標再試衝5.3元水平，穿3.85元止蝕。