國壽老細楊超平時最鍾意講央企嘅誠信同埋社會責任，由佢一手承辦呢個研討會，自然最有說服力。超哥一呼百應，平保（02318）等同業高層都畀面共聚一堂，唔怪得之超哥精神奕奕，又被讚精力充沛兼且講嘢擲地有聲。

海嘯喚醒企業良知

超哥話，過去一年大家都目睹著名企業由於失信、管控不足而走向破產。金融海嘯喚醒咗企業嘅良知與責任，大家應該共同建立一個保險行業嘅誠信對話機制。蔡強就話，佢哋得到嘅教訓就係，唔應該成日睇住短期業績或者銷量，要頂得住股東嘅壓力，諗多啲客戶嘅利益同價值。