尋日恒指守唔住21,000點關口，但跌300點後，見有承接，最終跌幅收窄至1.08%，收市報20,932點。志強手上嘅貨跟住個市有所回吐，國美（00493）跌0.88%，大冶有色（00661）跌2.13%，不過個市都係無乜方向，所以坐住先，睇定啲再算。尋日志強都係吼住防守性較強嘅公路股，寧滬高速（00177）喺跌市之中，表現尚算穩健，全日升1.39%，收市報6.56元。
寧滬高速中期純利升近14%，至9.85億元人民幣，雖然公司上半年受宏觀經濟環境影響，以致江蘇省內貨運需求及貨車流量低於去年，但隨着經濟復甦，道路車流量有望得以回升，而且公司的根據地江蘇省的高速公路貨車調整收費標準，按車輛重量收費，預期有助提升寧滬高速收入。
早前國務院通過《江蘇沿海地區發展規劃》，相信公司可因而受惠，前景看俏，而旗下的滬寧高速上海段亦完成工程，將消除工程所帶來的負面影響，配合國家大力發展運輸基建，志強相信寧滬高速有力追落後。