阿仙奴死硬「粉絲」

不過，渣打行政總裁冼博德並唔係利物浦球迷，而係阿仙奴嘅死硬粉絲，咁第時兩隊對決佢心情咪好矛盾？

利物浦同阿仙奴遲早會喺英超球場上碰頭，冼博德到時會支持邊隊？佢好認真咁答「This is a deep secret！（這是個大秘密！）」然後就哈哈幾聲，揚長而去。

冼博德話，今次贊助可以令渣打品牌認知度開闖新領域，亦為業務增長提供額外催化劑。做得利物浦贊助，當然想佢贏完一場又一場，不過阿仙奴又係自己最愛球隊，兩隊對決都唔知為邊隊吶喊助威好。

p渣打贊助利物浦四年

雖然冼博德唔肯透露今次贊助費用總共係幾多錢，不過外界估計，贊助費可能要成1.33億美元！

今次渣打同利物浦簽咗四年合約，由明年七月至二○一三、一四年季度，渣打個名同標誌到時都會出現喺利物浦球衣上。利物浦主場時通常會着紅色衫，渣打個標誌就藍藍綠綠咁，撞埋一齊都幾醒神！