觀瀾湖比賽高球

「09兩岸四地金融高峰論壇」就喺呢個周末舉行，主辦單位中國證券市場研究設計中心同中國金融聯合會，為咗增進大家嘅友誼，決定喺論壇開始前一日，先喺深圳觀瀾湖搞番場高爾夫球邀請賽，實行「先兵後禮，打完先講」。

睇番份參賽者名單有成80人咁多，好似中證監前任主席周道炯、台灣證券櫃枱買賣中心董事長陳樹、寶來證券（香港）總經理劉國安、交行副行長葉迪奇、銀河證券首席經濟學家左小蕾、獨立經濟師謝國忠等。

呢個比賽採18個洞個人比桿賽，除咗有總桿同淨桿前3名，仲設有最遠距離、最近洞、小鳥、老鷹等獎項，最搞笑係仲有BB獎。唔知一桿入洞獎最終會花落誰家呢？