工作會議聽埋一份

呢位梁子俊同學上月跟Peter工作半日，化身佢嘅工作影子，貼身體驗滙豐高層嘅實際工作情況。年輕人係未來社會嘅棟樑，Peter都好重視同呢位同學嘅交流，除咗解釋番日常工作、滙豐中國業務之外，仲分享埋工作上樂趣同挑戰。

作為大班，每日工作當然繁複，Peter當日仲有個記者會同電話會議，梁同學都有聽埋一份。哈哈，唔知佢會唔會聽到啲機密嘢呢？

其實做得影子大班嘅梁同學都好厲害，因為佢係參加咗「學生營商體驗計劃」，過五關斬六將贏得「全年最佳行政總裁」，先可以親自跟Peter學嘢。

Peter仲同梁同學分享佢作為高層嘅心得，就係要對其他人嘅意見細心分析，經常要對時事作出獨立思考同判斷，以免隨波逐流，人云亦云。

家陣啲年輕人真係應該聽吓呢啲經驗之談，同埋做人嘅道理。