美股繼續跌唔落，唔通又係對負面消息完全免疫？不過各地股市急升一輪後，顯示唔多夠力再衝高位，開始進行整固，港股亦唔例外。恒指昨日在二萬關口徘徊，早段曾低見19,955點，午後內地股市倒升，港股亦收復失地，倒升近百點收市。
志強見中科環保（00351）高開後，未能守在0.17元之上，未有入貨。反而日前沽出的首長國際（00697），股價退守至1.46元即見反彈，剛好係10日線水平，決定再買入廿萬股，每股1.49元，若突破旗形走勢，可再展升浪。
中國海澱（00256）昨日急升16.4%至0.85元，創一年高位，並以此水平高收，升勢有餘未盡，值得關注。
日前有消息指出，海澱短期內將落實收購內地鐘錶同業及機械錶機芯公司。中國海澱自去年開始積極拓展鐘錶業務，目前持有兩大手錶品牌「依波」及「羅西尼」，佔國產鐘錶市場零售額比率約46%。為了擴大市佔率，海澱將積極收購同業。集團亦有意到國外發展，藉此掌握外國的先進技術。
集團現正洽商將銷售網絡增加50個，另籌劃自行發展五間自營店。同時會陸續出售非核心資產包括漆包線業務及物業投資等。