本文重點
到底有錢人嘅生活係點？胡潤嘅報告就大爆內地新貴一族嘅生活，佢哋重視品味同情趣，除咗鍾意遊埠外，男嘅會花心思買禮物畀親朋好友，女嘅就會去聽音樂劇。除咗男女大不同，南北嘅生活習慣亦都唔多同，北京人戀舊，嚮往修身養性兼且回歸大自然，不過浙江富豪就最鍾意「豪」，鍾意收藏珠寶名車。
北京人戀舊 浙江愛豪
胡潤研究院研究咗上海、北京、杭州、深圳、成都同瀋陽六大城市嘅新貴消費模式，公布咗佢哋嘅消費門檻報告。其中北京嘅千萬富豪有成14.3萬人，億萬富豪都有8,800人，年消費成人民幣8,700萬元，成為榜首。
呢班富豪平均年齡四十三歲，個個都年輕有為。北京人戀舊，深圳人就鍾意奢侈品，認為代表舒適生活，而四川富豪就最務實，生活寫意；東北富豪最低調，鍾意將錢存喺銀行，覺得最有安全感。
上海有7,000名億萬富翁，新貴一族一年使750萬元，唔單止鍾意收藏古董，仲會買名畫同鋼琴，非常重視室內裝修。