教女費盡心思

郭生知道在座好多位年輕人都可能曾經行差踏錯，喺人生上已經遇到挫折，所以郭生一開始就勉勵佢哋，唔好放棄自己，當情緒差或喺逆境之下，可試吓走出街、跑吓步，兼搵朋友傾偈。

郭生送咗65張500元波鞋現金券畀每位年輕人，寓意係希望佢哋揀好自己條人生路。郭生話，希望年輕人可以好似獅子咁踏着前路勇往直前；同麻鷹一樣有遠大目光；最好學似駱駝般捱得；至於兔仔都好重要，皆因呢個係佢嘅生肖喎。最後又千叮萬嚀佢哋唔好以為吸食k仔，或者其他負面兼無用嘅方法可以逃避現實添。

郭生仲話若果發現自己個女吸毒，都唔會鬧佢。好似佢個女咁，細個唔多鍾意讀書，郭生就諗到用講古仔引導個女，最貼心係佢仲自創同個女性格好似嘅角色，等個女自我反省；當個女歷史科考試前一晚，郭生仲會刨定歷史書充當故事內容添。