27/07/2009

播放本新聞相關短片
 
股價號碼: 

股海實戰:中鐵建有力試新高

本文重點
下半年內地投資各項大型基建工程進行得如火如荼,基建類股份係可攻可守嘅對象。講開又講,上周四、五,中鐵建(01186)股價連日上揚,已確認突破12元關,交投配合,睇走勢有機會挑戰上市以來高位14元。

今年首季,中鐵建實現營業收入513億元(人民幣.下同),淨利潤9.44億元。季內,經營活動產生嘅現金流量淨額同比大增1.1倍至20億元,新簽合同金額達到1,277億元。除咗受惠中央政府大量投入各項基建,大興土木之外,今年六月,公司透過合營中標阿爾及利亞政府兩個鐵路新線項目,合同金額達206億元。

資金流入炒業績

近周明顯有資金流入中鐵建,唔排除係投資者睇好其中期業績有關。睇走勢,查實即使中鐵建股價回升至13元水平,亦不過係重上今年初嘅高位,相對其他中資股,表現算係落後,相信這與公司業務性質相對穩定有關。不過若中期業績顯示,公司業務受惠政策而明顯提速增長,則有望吸引資金追貨。

富士康(02038)上周五發盈警,股價挫7%,阿莊暫避風頭,持股悉數沽出,唔見1.4萬元,輸少當贏。

阿莊