摩根大通發報告，預計年內上證指數可突破3,200點，刺激上證指數尋日衝破3,000點關口。雖然港股周二升抵18,883點後動力頓失，恒指再次回落，不過上證表現咁好，對今日港股唔多唔少都會有支持，為下半年大市帶來一個好開始。
講番市場消息，中央匯金持有的1,713億股中國銀行（03988）限售股即將解禁，市場擔心將對內銀股構成新一輪沽壓，不過匯金似乎早已預計到市場的擔心，因此率先表示「股份解禁不等於減持」，可算是向股友們預先派定心丸。
網上討論區有不少留言指，霸王（01886）暗盤價目前已去到3元樓上。不過，361度（01361）周二首日掛牌，股價雖曾一度高見4.28元，最終只升8.03%，收報3.9元，表現唔算特別標青，唔知對聽日上市的霸王及秦發（00866），會唔會有影響呢？