本文重點
有時做小股東都幾慘。點解太子咁講？尋日翻開新鮮出爐嘅聯想（00992）年報，當然要睇睇去年錄得創紀錄虧損之餘，董事及管理層拿多少酬金，年報顯示今年二月辭職嘅執行董事兼行政總裁William Amelio，董事酬金達到1,760萬美元，較上一財政年度嘅1,138萬美元大幅增加54%。而現任聯想行政總裁嘅楊元慶，董事酬金也較上一年度嘅505.8萬美元增加42%至722.9萬美元。
前CEO酬金漲54%
投資市場人士認為，董事酬金應與業績掛上關係，去年聯想業績虧損達2.264億美元，無理由董事酬金反而錄得可觀升幅。而喺William Amelio嘅董事酬金內，還特別有一筆325萬美元款項，作為董事失去職位嘅補償。William Amelio於二○○五年尾由戴爾電腦過檔聯想，但在任期間未能增加聯想在私人電腦市場佔有率，更被台灣Acer取代成為全球第三大電腦生產商。
聯想創辦人柳傳志，今年二月重回聯想出任主席，年報顯示其董事酬金為64.6萬美元，較上年度嘅59.9萬美元微升7.8%。