尋日有消息指，內地六月份信貸重拾升勢，今年上半年新增貸款達6萬億元人民幣，內銀股隨即被炒上，當中交行（03328）表現最突出，全日最多升逾7%。而能源資源股、本地地產以及內房股也見追捧。
市場繼續熱炒新股，尋日起公開招股的霸王（01338），有消息指首日IPO已超購逾四十倍，有證券行更預言明日便會借爆孖展，認真犀利。勢頭咁勁，小尾都去銀行拎番本招股書睇一睇，不過小尾想睇的，其實係集團的廣告宣傳費用，雖然並唔係天文數字，但廣告及推廣上的費用亦唔嘢少，分別達1.59億元及1.79億元，兩項支出佔總收益的24%！唔知代言人成龍佔咗幾多？
另外，中央林業工作會議尋日在北京召開，市場憧憬相關振興規劃將有望出台，故趁住細價股正在喘氣，大市走勢亦無大方向下，林業股不妨望多兩眼。