貴為全球首富蓋茨嘅父親，老蓋茨（Bill Gates Sr.）如何打造個仔成為科學巨子，相信個個都想知。最近蓋茨同老父齊齊在巴黎旅行之餘還接受訪問，蓋茨話現時同老父齊齊為慈善基金工作。蓋茨稱自己從父親收到嘅最佳建議，便是鼓勵他去做不在行事情，例如各式各樣嘅運動。
蓋茨話這看來無用嘅事情，卻令自己學識領導才能及個人長短，不會只做「舒服」嘅事情，直到今時對一些運動反而熱愛起來。而蓋茨老父談論教仔秘方時稱，最佳秘方是與子女同行，鼓勵子女去做正確事情，最重要是永不貶低（demean）自己嘅子女。
蓋茨話由股神巴菲特處獲取好多意見，對股神最有興趣地方是把事情簡化，若你同股神講生意，巴菲特只看幾個數字及事實，亦會用上完全可以估計到嘅模型去推論，總之只會專注可以成事的地方上。