本文重點
太子知道內地人管理公司有自己一套，亦喜歡用比喻又或者口號來表達自己嘅管理理念，好處當然係易明同埋易記。中國銀監會主席劉明康最近都運用比喻，不過就「核突」啲，佢用嘅係一條腐爛嘅魚。
佢打比喻話，如果條魚腐爛嘅話，唔會由條尾開始，佢冇講會由條魚嘅邊一部分開始，太子估計係冇特定位置。劉明康用呢個比喻講解公司治理對銀行好重要，咁即係話要全方位做好風險管理，否則銀行會腐爛。
關注除毒進度
即使客戶係中移、中鐵，聽落已是很大很有實力嘅公司，無論係邊個，畀客戶嘅信貸額，不可以超過銀行淨值嘅10%。
作為銀行監管者，劉明康十分關注銀行除毒進度，佢好肉緊咁話，全球剷除銀行毒資產嘅速度要快，有唔少銀行流血，時間好緊迫，最好快啲找到新嘅配方，講開新配方，佢順帶一提，北京菜好出名，如果大家想得到北京菜嘅配方，可以問佢，但究竟有邊啲北京菜配方可以除毒，太子唔係北京人，真係冇頭緒。