尋日太子喺中環偶遇港交所(00388)前主席兼行政會議成員李業廣,太子自然問起佢幾件近期大家關心嘅事,譬如係候任港交所行政總裁李小加。
Charles Lee(李業廣)講Charles Li(李小加),有乜嘢火花呢?李業廣話可能見過李小加,但唔認識佢,好難評論。
大家亦好關心上海二○二○年成為國際金融中心,會否威脅香港嘅地位?李業廣就好氣定神閒話唔太擔心,因為一個成功嘅國際金融中心,最緊要係投資者信心,而投資者係咪有信心,係建基於法治係咪健全。
佢話香港嘅法治制度大家有目共睹,連普通人都可以控告政府,呢樣嘢唔係好多區內市場可以做得到。