賈曉晨隨時Ready生BB

新婚不久的樊少皇跟太太賈曉晨（JJ）昨日以夫妻檔出席萬希泉觀瀾湖專賣店盛大開業活動，並展示由少皇設計的「齊天大聖」陀飛輪腕錶，二人除擔任剪綵嘉賓外，還唱歌助興。現場有舞獅祝賀，吸引逾百途人圍觀，場面熱鬧！JJ日前在網上貼上自拍照，自嘲胖了不少，對於引來懷孕傳聞，JJ反問記者：「你覺得我肥唔肥吖？冇好消息，只係我真係肥咗少少。（有冇計劃生小朋友？）其實都開始準備，所以點解我肥咗就係咁原因，因為依家冇節食，鍾意食乜就食，隨時Ready。」在旁的少皇稱一切順其自然：「最緊要唔好有壓力，佢又擔心如果接咗戲，有咗點算？」JJ聽罷即撒嬌：「我嚟緊拍戲要打，我問佢如果有咗點？佢竟然叫我照打，話有5、6個月都照打。」JJ否認夫妻檔吸金，認為婚前婚後分別不大，只是註了冊而已。