張智霖（Chilam）前晚現身支持好友張達明及農夫開騷，期間被瘋狂集郵，陸永更「認親認戚」要求Chilam抱抱，場面搞笑。

Chilam獻唱《祝君好》，觀眾連聲尖叫。

Chilam落台握手，粉絲趁機集郵。

陸永（左）笑言是Chilam表弟好友又大叫「表哥」，張達明（中）笑到見牙唔見眼。

黃子華

張智霖與黃子華前晚現身《達Ming X 農夫棟篤唱 「已經爆咗」》，兩位男神風頭甚勁，擔任特別嘉賓的Chilam獻唱《祝君好》時，即惹來全場尖叫。張達明對台下觀眾說：「依家由Chilam落台代我哋同觀眾握手，復活節送個張智霖畀你，仲想點？」

張達明嗌辛苦

其後Chilam落台，不少女粉絲邊握手邊要求合照，連陸永亦自爆是Chilam表弟好友，趁機大叫「表哥」並要求抱抱。至於睇騷的子華亦不停被集郵，完場時農夫更向張達明說：「頭先子華話約飲茶，真係會約我哋？唔使等好耐啩？﹗」

完場後，Chilam受訪時表示今次應張達明之邀擔任嘉賓：「佢打畀我嘅，因為我哋喺電視同電影都合作過，係未試過同台唱歌啫。（有興趣做棟篤笑？）我覺得自己講嘢幾幽默，不過大家鍾意聽我唱歌多過講嘢。」張達明則坦言前日一連兩場騷令他非常辛苦，問到會否復出拍戲，他說：「如果好似拍奧斯卡電影《Spotlight》咁，開工淨係拍開會戲份就可以囉！」

文：影視組