藝人曾志偉昨日為好友盧大偉扶靈，進入靈堂前向記者揮手。因連日先後送別馮克安與盧大偉兩位好友，志偉扶靈時神情顯得哀傷。問到是否百般滋味在心頭？他感慨地說：「今年唔知咩事，三月特別多朋友走，兩個都係我好朋友，一個係武俠片界，一個係電視電影喜劇界。依家經常講笑話，以前就做兄弟、伴郎，依家就做治喪委員會、扶靈。」又指眼見朋友年紀開始大，願身邊人身體健康。

志偉面對摯友離世，感慨不已！

眼濕濕的志偉稱別人指多去殯儀館無益，但他自覺百無禁忌：「做人要開心，好朋友一定要送。」又稱早前與一同出身的武師飯敍：「好多都好耐冇見，好似徐少強咁，佢係我第一套戲男主角。」更指馮克安胞姊馮素波向他轉達，其胞弟遺願是希望重拍電影《同撈同煲》：「我諗諗，睇吓可唔可以拍成動作版，如果有機會，希望一班武師參與拍攝當聚一聚！」