歌手張敬軒第一次與盧冠廷合作，事前緊張失眠，軒仔又乘機向盧冠廷「R」歌，結果獲他「開期票」答應。

張敬軒為電影主題曲錄音，事前緊張失眠。

陳果（中）碌爆了人情卡，找來盧冠廷（右）與軒仔合作。

張敬軒在電影《燦爛這一刻》中，與一班小朋友齊齊跳舞。

張敬軒主演的英皇電影《燦爛這一刻》，片中他與一班小朋友發放正能量，齊齊跳舞。電影煞科後，軒仔即忙於主題曲《一步一面貌》錄音工作，今次導演陳果碌爆人情卡，找來盧冠廷負責音樂創作。

因病改期錄音

三人昨日齊齊到錄音室錄音，軒仔甫見記者採訪即大叫緊張：「第一次同盧老師合作嘛！又好耐冇畀人監製自己嘅歌，因為通常都係自己做番，加上我之前兩次流感，錄音日期一改再改。尋晚凌晨點幾鐘上床，點知到四點都瞓唔着，咪上網搵番啲盧老師以前音樂嘅資料囉！」

軒仔又搞笑地向盧冠廷「詐嬌」：「唔知你幾時先可以幫我寫番隻，好似李治廷《歲月神偷》咁浪漫嘅歌呢？」擺明「R」歌，盧冠廷即「開期票」說：「有機會嘅，等我忙埋演唱會先。」

撞車唔見五千

日前軒仔的七人車遭的士撞毀，他大方表示不予追究，他又表示只花了四、五天時間維修：「依家同新車一樣，終於有車用喇！（用咗幾多錢整？）五千幾囉！」

文：影視組