朱慧敏昨日為小朋友模特兒比賽擔任評判，入行前是模特兒的她，笑言現在也會技癢想行貓步。談到近況，她透露五月與無綫約滿，現正洽談續約事宜。對於楊怡與羅仲謙秘婚，她竟全不知情，還反問記者楊怡與誰結婚：「我冇留意，所以要問清楚佢同邊個結？哈哈！我同阿怡合作過一部劇，真係恭喜佢哋！（你本來都快結？）以前嘅嘢唔講，過咗去，我依家好享受生活！」她稱與舊愛彭懷安（Eddie）是生意拍檔，故彼此時有聯絡，一直保持友好關係，即使做不成情侶或夫妻，也不用反面！

朱慧敏笑言同Eddie做唔成夫妻，都可以做生意拍檔。