在無綫劇集《EU超時任務》中扮演記者的譚凱琪（Zoe），在前晚一集以美人計色誘經常做綠葉角色的戴耀明，企圖套料，豈料有眼利網友發現戴耀明下體疑似激凸，效果非常「立體」。而Zoe對於戴耀明此「舉」全不知情，更不怕被搶風頭。

Zoe不時以性感造型現身公開活動，迷倒唔少宅男！

無綫劇集《EU超時任務》中的女主角朱千雪人氣急升，備受網友關注，但在前晚播出的一集中，最受關注的是飾演記者的譚凱琪，為了向扮演圍村人的戴耀明套料，特意穿上性感連身裙，大施美人計，戴耀明見其一身性感打扮，甚為着迷。想不到有眼利網友發現戴耀明下體疑似激凸，效果「立體」！不少網友更留言指他此「舉」老貓燒鬚，但亦有網友指他可能是為求激凸效果，故將「小耀明」僭建，令整個畫面更有立體感。

冇留意壯「舉」

Zoe昨日接受本報電話訪問時表示，未有留意戴耀明是否激凸：「唔知呀！我都係留意演技方面，冇留意其他人嘅生理反應，覺得都只係角度問題。我諗應該係坐喺度，條褲起咗摺，再加上佢哋咁老練，唔會咁樣嘅。（怕佢搶咗你鏡？）唔會怕，因為一場戲令人記得就係成功，證明我哋努力嘅成果係有人睇到！」問到可否透露戴耀明在戲中會否「再下一城」，她說：「我淨係知道佢哋班圍村人會講圍頭話搞爛Gag，再加埋啲動作入去。」

採：影視組

文：專案組