天后容祖兒昨日出席愛心馬拉松活動，提到早前備戰《我是歌手4》時扭傷左腳，她說：「仲等緊康復，要慢慢嚟。（男友劉浩龍覺得心痛？）個個都心痛。」她指參賽以來是人生中承受最沉重壓力的一次：「每個星期得好少時間準備完整嘅演出，加上隻腳又整傷咗，心情起伏好大！」問到可擔心腳傷影響總決賽表現？她指最苦惱的是邀請幫唱嘉賓，希望可請來自己喜歡的偶像：「係男歌手嚟，我之前問過一次，佢拒絕咗，但我會施展鍥而不捨同面皮勁厚精神再問，希望得！」

祖兒負腳傷上陣，與麥當勞叔叔主持起步禮。

祖兒舉起「神棍」自拍，為一眾健兒打氣！

林海峰（左起）、葛民輝、森美及小儀等都有出席活動。