農夫與張達明前晚舉行首場棟篤唱，常被誤叫為「6號」（陸浩明）的陸永笑說：「我唔係憎佢，但成日畀人叫錯做6號，搞到有啲憎佢！」而達明氣勢十足，除了踩滑板車外，又以全金Hip Hop造型上陣，化身MC DaMin！勇敢抗癌的達明又分享患病感受，見現場播映入行以來的照片，他坦言希望能完全康復，變回「正常人」。

陸永（左）自爆常被叫錯名，心有不忿！

6號同樣不滿被叫錯做陸永，更提議改名做肥媽！

另一邊廂，6號昨日出席活動，對於陸永「不滿」常被叫錯名字，他即搞笑反擊：「我都憎佢，服裝間都有人叫我做陸永，不如以後叫陸永做DoDo姐，我就叫肥媽，一定冇搞錯！」此外，他表示為剛結婚的羅仲謙和楊怡感到高興，又踢爆羅仲謙想生「雞」仔：「猴子趕唔切，生對龍鳳雞啦！以阿謙身形同精力，一定冇問題！」同場擔任司儀的梁嘉琪則透露最近司儀工作較以前多，問到是公司安排還是個人意願？她說：「冇刻意話想邊個方向，啱啱加盟咗《今日VIP》，都好享受，會好好學習。」她又計劃演舞台劇，飾演能引起共鳴的角色。