有「E Cup Baby」之稱的劉欣宜（Miyoko）與音樂人男友陳子敏（Roy）昨日大婚，Roy與一眾兄弟團上午接新娘時出盡法寶，扮美少女戰士之餘又笠絲襪，最後成功接走新娘子，期間不時甜蜜咀嘴！簽字儀式完成後，一對新人於晚上筵開39席，新娘子Miyoko穿上粉色低胸晚裝大騷身材，兩人更應記者要求連咀兩次。問到造人計劃？他們說：「畀啲時間我哋，呢一、兩年二人世界住先啦！」

Roy抱得新娘歸，當然要咀嘴晒吓幸福！

劉欣宜攬實Roy，恩愛之情溢於言表。

李蘊挺巨肚到賀，希望新人都快啲三年抱兩啦！

謝安琪與老公張繼聰孖住赴宴，So Sweet！

袁偉豪打扮得官仔骨骨到賀。

多位圈中好友亦有到賀，懷有身孕的李蘊表示兩個月後將於香港分娩：「會順產，我由細到大都好期待順產嘅痛，終於可以達成夢想！」又指老公將會陪入產房。而謝安琪與老公張繼聰均表示與新郎Roy較熟，並祝一對新人連生貴子！