林憶蓮前晚於紅館舉行《2016林憶蓮PRANAVA/造樂者世界巡迴演唱會》香港站首場，吸引黃耀明、薛凱琪、吳雨霏及蔡一傑等捧場，男友恭碩良則負責打鼓。弗爆的憶蓮獻唱多首金曲，又與舞蹈員大唱大跳，全場歌迷陷入瘋狂，她的雙臂內側、背脊畫上紋身，當唱到《為你我受冷風吹》時感動落淚，喊到眼妝甩晒要化妝師上台補妝，她又透露很喜歡「鹹魚白菜也好好味」這歌詞，並鼓勵歌迷說：「新專輯翻唱咗好幾首代表香港重要階段嘅歌，香港人更加需要搵番積極、樂觀、向前嘅精神。」另外，憶蓮笑指首場個唱必出現蝦碌，並說：「後台花絮好精彩。」最後她以金曲《至少還有你》完場，但不少歌迷大叫Encore不願離去。

憶蓮獻唱，男友恭碩良打鼓，異常合拍。

跳唱期間，憶蓮大晒手臂內側「紋身」。

憶蓮的紅館騷開鑼，首場便一度唱到感觸落淚。