無綫力捧小生王浩信一劇接一劇，他挑戰演技，於現正播出的《EU超時任務》中飾演圍頭村村長，浩信的圍頭話加上入型入格的演出，博得網民激讚，力撐他全面上位。

王浩信演圍頭村村長入型入格又夠自然，演技再備受肯定！

袁偉豪玩遊戲咁肉緊，一旁的譚凱琪亦望到實。

王浩信與朱千雪玩接波，羅樂林則於後排戴超觀戰。

王浩信近年躋身無綫一線小生之位，一劇接一劇，演繹角色層面很廣，近年更挑戰搞笑角色，他近年產量甚多包括《愛我請留言》、《再戰明天》、《東坡家事》等，全部佔戲頗重，去年更憑首次擔任男一的《樓奴》於無綫台慶頒獎禮獲「最佳男主角」提名。浩信於新劇《EU超時任務》中再度孭飛，飾演外表蠱惑、內心正義的圍頭村村長，鬈髮造型兼說圍頭話的他，角色突出，連網民及觀眾都讚他入型入格、演得自然，帶有《男親女愛》中黃子華的味道，齊齊留言力撐浩信正式上位。

囡囡睇到好開心

浩信昨日出席《EU》劇宣傳時指不少圍頭話對白他仍記得，拍攝前公司亦有找圍頭話專家做顧問。對於有指圍頭話聽落粗俗，問囡囡有否捧場，他說：「我喺入面又冇講粗口，囡囡聽圍頭話聽得好開心，不過冇學。」同場的朱千雪亦笑言被同學追問她某些圍頭話的意思。

羅樂林今次「無限復活」

袁偉豪、譚凱琪提到於劇中有車廂激吻戲，譚凱琪透露首次有如此埋牙的激情戲，以往多是借位，又讚袁偉豪嘴唇夠「腍」。袁偉豪則笑指自己有經驗，由於拍攝現場大部分是男士，故他的責任是令女拍檔不會尷尬，又坦言有向港姐女友岑杏賢備案：「點都要講嘅！」而號稱「死亡之使」的羅樂林，曾經因24小時內於不同劇集中死足5次而創下國際紀錄，今次他於劇中飾演朱千雪的父親，於首集中流彈身亡，令擁有穿梭時空「超能力」的千雪不停穿越企圖拯救，變相令他死足N次又無限復活。

文：影視組