田蕊妮媽媽韓美枝早前因癌病逝世,享年62歲,昨晚於紅磡萬國殯儀館以基督儀式進行安息禮。下午四時,田蕊妮與老公杜汶澤到達殯儀館,阿田容顏憔悴,雙眼通紅說:「有心!有心!」她在靈堂內望住亡母的遺照良久,忍不住以手巾拭淚,瞻仰遺容時難掩哀傷。

田蕊妮亡母的遺照

田蕊妮望住亡母的遺照,哀傷地以手巾拭淚。

唐詩詠前來送田母最後一程。

杜汶澤被問到太太心情?他說:「大家都明白呢個係人生必經階段,但發生嗰陣唔係咁容易去面對,需要啲時間。(你心情點?)我都係啦!(外母有冇遺願?)佢病咗幾年,因為佢係癌病離開,令我哋有時間去預備,件事並唔係咁突然。呢幾年大家都好珍惜,一齊去旅行、一齊食飯。阿田哥哥生咗小朋友,對佢嚟講係開心,可以抱孫,好安樂。(停工陪阿田?)我宣傳緊電影,佢亦拍緊劇,佢接呢套劇之前,大家都研究接唔接好,我鼓勵佢照樣工作,影響到人哋就唔好。每日有24小時,除咗瞓覺嗰六七個鐘,其他時間用嚟傷心,倒不如將時間放喺工作上,咁反而會好過啲。」昨晚前來致祭的圈中人包括唐詩詠和何遠東等。