曾效力亞視的謝雪心和劉錫賢，前晚出席《博愛月頒獎典禮暨慶功宴》，心姐對亞視決定以2013年亞姐特輯《Miss Asia 25th瑰麗巡迴》法國站，作為熄機前最後節目感到不公平：「點解要係2013年？點解唔係由第一屆做起公平啲呢？（會喺電視機前捧場？）我唔知當日工作安排係點，但如果係ATV迷嘅應該會見證呢個歷史。（替亞視感可惜？）係，大家都唔想見到咁嘅結果。」

謝雪心戥亞視熄機可惜。

劉錫賢一早批之前亞視投資者司榮彬聲言要在結業前舉辦亞姐不可能。早前上無綫節目《男人食堂》的他透露，最近為港台節目拍了導賞片，一共四十集，問有否亞視藝人一起做？他稱亞視之友只得他一人。