一對新人在圈中有不少好朋友，與楊怡同一經理人、與羅仲謙亦是好友的吳卓羲，昨日坦言睇相先知二人結婚：「我都係睇到相先知佢哋結婚，咁佢兩個都係我好朋友，梗係要恭喜佢哋，白頭到老，快啲生BB，一切嘅嘢，都要等佢哋自己公布啦！」而與楊怡合作多次的馬國明則說：「當然要恭喜啦！希望阿怡快啲生小朋友！（佢同你講過想做媽咪？）冇！我自己諗啫！雖然佢好口密，但都OK嘅！始終結婚係兩個人嘅事，最緊要係自己開心就得啦！」

馬國明與吳卓羲都戥楊怡出嫁開心！

王浩信、朱千雪及袁偉豪獲悉喜訊。

身在上海的馬浚偉說：「我上兩個星期同佢以短訊聯絡，話約食飯，當然恭喜佢啦！鍾嘉欣後就到佢，我送上一個遙遠嘅祝福畀佢啦！」至於與楊怡友好的陳敏之，在微博恭喜好姊妹：「恭喜好姊妹加入索爆人妻一族！祝福羅生羅太新婚快樂，三年抱兩！羊咩（楊怡）要一世幸福！」

另外，曾與楊怡及羅仲謙合作拍劇的朱千雪、袁偉豪、王浩信昨日出席宣傳活動時，被問到楊怡與羅仲謙的婚事，相當興奮。曾在劇集《On Call 36小時II》中與二人合作的朱千雪說：「聽到呢個消息好戥佢哋開心！」而袁偉豪則說：「恭喜佢啦！佢（羅仲謙）終於都有今日！希望謙仔拍多啲好戲，等阿怡可以做少奶奶，因為結咗婚都希望另一半留喺屋企，件事會型啲！」問他是否藉此說給女友岑杏賢聽？他說：「係呀！（準備好做人情？）睇佢請唔請我啦！」而曾與羅仲謙在《飛虎》一劇合作的王浩信亦即時「村長上身」，以圍頭話祝賀二人：「祝佢哋早生貴子，影多啲靚相！（同佢分享生仔秘訣？）以謙仔嘅強健體魄同精明頭腦，絕對勝任有餘，唔使分享！」