伍詠薇唔煮飯 笑老公「味精練」

伍詠薇昨日與草蜢到尖沙咀錄影有線節目《伍姑娘真識食》，伍姑娘笑說：「節目中我會問蔡一傑幾時同我結婚！啲老友其實係有線請，我唔會請，我啲Friend十隻手指數晒，譚詠麟，仲有張氏夫婦（張智霖、袁詠儀）識做啦！（蔡一傑要你煮嘢佢食？）每集我都會學煮嘢，但會係分開拍，今日冇！（蔡一智笑你老公食外賣？）就算我學識煮咩，返屋企都唔會煮，照樣嗌外賣，我老公（練海棠）係『愛情味精練』！」