詹瑞文昨日在觀塘舉行棟篤劇《新男人之虎 笑完武士》記者會。以「太空JAM」白銀戰衣Look亮相的他，談到G.E.M.最新的「尿片」加Bra Top戰衣時表示有留意，更打算跟到足改造型，屆時條褲可能拉到上心口：「我朝早Message G.E.M.，叫佢嚟睇我個騷，但佢唔得閒，要去北京。」問到會否怕被她投訴醜化，他笑說：「美化呀大佬！用我本身嘅魅力美化佢！（你話佢唔夠靚？）我靚啲！」更透露連預錄短片在內會有20至30個造型，其中的「Frozen」Look會向林雪致敬：「會講吓粗口咁！」

詹瑞文呢個「太空JAM」Look真係走在潮流嘅尖端！