歌手雷琛瑜（J.Arie）角逐香港電影金像獎的「最佳新演員」，身為該片監製的林家棟接受《東網電視》節目《娛樂onShow》訪問時，力讚她飾演港女角色入木三分，更笑言電影只有一項提名，有少許失望。近年身兼演員及電影監製的林家棟，笑言也想當歌手，但要保護樂壇而作罷！

林家棟與《娛樂onShow》主持俞詠文大談電影心得。

林家棟逗得主持俞詠文笑到彎腰。

身兼演員及電影監製的林家棟，笑言曾想當歌手。

林家棟接受《娛樂onShow》主持俞詠文訪問時，大讚J.Arie演港女入木三分。

J.Arie憑《死開啲啦》角逐最佳新演員獎項。

本地影壇盛事香港電影金像獎將於下月舉行，J.Arie憑《死開啲啦》角逐最佳新演員獎項，同獲提名的還有蔡思貝、蘇麗珊及白只等，身為《死》片監製的林家棟接受《東網電視》節目《娛樂onShow》主持俞詠文（Angela）訪問時，表示提名對J.Arie是一個肯定，他說：「佢入選當然開心，因為佢從來冇讀過演藝課程，只係讀法律出身，我同佢講，今次提名當係一張入場券。」

對於戰況激烈，林家棟笑說：「唔使驚，我都係資深被提名人，提名三次都係食白果，拍戲唔係為攞獎，係為自己而拍。」

睇好JM封后

林家棟更盛讚J.Arie演繹港女拿捏得不錯：「某程度上坊間對港女偏向有貶意，但係佢提升咗港女嘅地位。」Angela笑問是否J.Arie本身是港女，林家棟笑說：「我唔敢講，我一定要話佢唔係港女，佢只係演得好！」另外，他早前跟女星文詠珊（JM）合演電影《兇手還未睡》，JM突破自己全裸上陣，林家棟大讚她能應付複雜及難度高的內心戲，有望成為下屆影后！

感情事低調

另外，Angela指在搜尋器輸入「林家棟」一名，便會出現「林家棟女友」的關鍵字，而林家棟入行以來都把感情事低調，問到會否公開其感情事，他說：「鏡頭以外，我同大家一樣都係普通人，唔會刻意公開，大家見到就見到，唔會用力。」對於近年當演員及監製，他笑說：「兩樣都鍾意，如果多個選擇，我都想做歌手，不過我要保護樂壇，費事嚇親大家！」

文：專案組

服裝及鞋：Bauhaus、New Balance

化妝：Issac Poon @jack timeless

髮型：Alex Chan @ projectz4/jack timeless