視后楊怡於劇中表面上是跌打醫師，實則是革命黨員，欲透過郭晉安飾的太醫引薦入宮行刺光緒帝，期間二人朝夕相對愛上對方，惟安仔早已有妻子（賈曉晨飾），二人只能發展一段相愛不能愛的感情。徐正康對於視帝視后合作大讚冇得頂，指安仔角色平實得很，卻拿捏得相當準確，楊怡角色則貫徹本人性格活潑多言，賈曉晨演跛妹亦交足功課。

楊怡與郭晉安笑言一開工就笑不停，埋位拍感情戲時要齊齊忍笑。

劇中楊怡（右起）、郭晉安與賈曉晨陷入一段三角關係中。

視楊怡為妹妹的安仔，直言雙方一埋位已甚有默契：「同佢兄妹感覺好強，唔知點解開親工都要忍笑，日日都鬥忍笑功。（賈曉晨呢？）佢演我妻子，但跛嘅，我成日諗辦法想醫好佢，但感情唔同阿怡咁，第一次同賈曉晨合作，覺得佢貪靚啲，好注重燈光同戲服，眼中嘅佢係一個美人，要氹佢開心，阿怡就要恥笑佢佢先開心。」楊怡亦說：「少少話題大家都笑好耐，好似有場夢境講我同安仔按摩，過程好好笑，一埋位笑到碌地，最難係忍囉！今次係我要求監製同安仔合作，成日叫佢大佬都未拍過，同埋劇入面要幫好多妃子按腳，所以搵咗醫師教我穴位按摩。（戲入面有三角關係？）同佢感情戲好淡嘅，因為知佢有妻子，所以都冇一齊。」