新戲中全裸演出的文詠珊（JM），前晚在首映禮上與拍檔許志安互窒勁擦火花，名副其實由戲內「激」到戲外，甚為過癮！期間安仔更擺JM男友上枱，笑稱男友睇完會「面燶燶」，認真搞鬼！

文詠珊在戲中挑戰全裸，着紅色Bra Top晒腰就濕濕碎啦！

許志安與文詠珊互窒勁有火，由戲內鬥到戲外。

陳意嵐穿連身裙騷「祖莉腿」，相當吸睛！

一眾演員於首映禮上大合照。

文詠珊、許志安、陳意嵐及劉浩龍等前晚在文化中心出席電影《兇手還未睡》世界首映禮，當中JM穿紅色吊帶Bra Top性感亮相，身上的黑色透視薄紗令纖腰若隱若現；而陳意嵐則穿連身裙騷長腿，相當養眼！

愛郎心切起勢讚

受訪時，JM和安仔將戲中的火花延續，問到JM男友吳啟楠會否入場觀看？在戲中有全裸演出的JM表示男友會欣賞，但未知能否及時到場睇首映，在旁的安仔聞言即笑說：「會唔會出到嚟有個人面燶燶就係佢？」愛郎心切的JM即辯護讚男友相當大方，安仔繼續還擊：「可能笑得好勁嗰個先係佢！」

劉浩龍幫祖兒捽腳

談到電影被評為三級，JM大感可惜，她說：「意識係大膽，但未至於要三級。」而安仔則指電影被評為三級，代表導演原汁原味保留其精彩之處：「所以心態上係舒服，因為信啱咗個導演。」另外，問到女友容祖兒在內地節目上拗柴時，可有幫她捽腳？劉浩龍即自爆有幫手，更戥女友辛苦：「佢咁堅持我都學到嘢。」

文：影視組