朱千雪、王浩信及袁偉豪反轉馬戲棚為新劇宣傳，先有千雪凌空擘髀擺甫士任影唔嬲，再有「鵰兄」浩信抱病「連環瞓」，扯鈴偉豪更劇透由忠變奸：「唔好掟我雞蛋就OK！」

沒有吊威吔的朱千雪凌空表演擘髀，大顯功架。

朱千雪

朱晨麗被單立文取笑，氣得七孔生煙。

朱千雪、朱晨麗、王浩信及袁偉豪齊齊玩「連環瞓」，而單立文則隔岸觀火。

王浩信、朱千雪、袁偉豪及朱晨麗等，昨日反轉《東華慈善嘉年華》的馬戲帳篷宣傳主演的無綫新劇《EU超時任務》，做盡高難度動作瞓身力谷收視，除有「扯鈴」偉豪及浩信抱病「連環瞓」之餘，千雪更凌空擘髀，大顯功架，而盪鞦韆的朱晨麗更被單立文取笑「做慣舞女」，激得她七孔生煙反擊：「係專業舞者！」

練習15分鐘上陣

千雪自認凌空表演僅練習了十五分鐘，在沒吊威吔及安全措施下最重要保持平衡：「我冇乜跳舞底。（但筋骨好柔軟！）可能最近做得運動多。」問到對收視有否信心，她自信憑題材及效果能吸引觀眾，更指《超》劇未播已被街坊稱為「Madam」，不怕韓劇打擊收視，呼籲觀眾多追一劇，她亦會抽空足本收看。

袁偉豪怕掟雞蛋

而浩信則因天氣反常積勞成疾，發燒在家仍要自我隔離：「我瞓覺都要戴口罩，個女想話錫我，我老婆大嗌唔好，個感覺好孤獨，今次啲菌好犀利。」

然而拍《超》劇的辛苦令浩信感觸良多，同時在「歷史留芳」：「拍咗啲淋紅油呀！淨係着底褲喺旺角跑，到依家都仲有人嗌我做『鵰兄』，其他演員都好多感觸，個個都甫千字文喺微博。」

而袁偉豪受訪時劇透會在尾段走上歪路，鮮有以反派角色亮相的他說：「唔透露咁多，只希望觀眾睇完唔好憎我，唔好掟雞蛋就OK。」

文：影視組