肥媽（Maria Cordero）前晚在紅館舉行尾場演唱會，獲好友徐小鳳、狄龍和戴夢夢等支持，外籍老公則擔任鼓手。全晚肥媽大騷高音唱功，談到家人及朋友支持時更幾度感觸落淚，唱到《媽媽I Love You》時，兩個孫女更上台獻花。肥媽邀得多位好友上台合唱，其中曾志偉不停搞Gag：「肥媽係唯一一個人令我差啲同個仔脫離父子關係，因為喺《大丈夫》裏面佢要同我個仔打茄輪，我同仔講做人就係咁，好一餐，唔好又一餐，如果肥媽你都啃得落，人生有咩啃唔落？所以由嗰日起我個仔長大咗，但好似變咗Gay。」十分抵死！講到徐小鳳有來捧場，志偉亦笑問：「小鳳姐你好得閒？咁嘅騷都睇？」令肥媽忍不住鬧：「撞鬼呀你！」輪到BIG FOUR出場，張衞健坦言很感謝肥媽：「記得廿幾年前我真係好霉，有一日晏晝許志安喺我屋企，我講我一整年真係冇收入，佢就介紹肥媽我識，肥媽二話不說即刻簽我十場！」

志偉不停搞Gag，肥媽笑到彎腰。

徐小鳳看到肥媽被孫女錫錫感開心。