朱慧敏何傲兒瀛歎紙火鍋

藝人朱慧敏（Queenie）與何傲兒（Lily），日前相約到中環找尋隱世美食。酷愛日本菜的Lily，欲在港找尋超水準日本餐廳，更搵來不時四出試菜的食家Queenie推介心頭好：Momotaro高級日本料理！二人品嘗極品「鵝肝牛柳」、王牌「鍋燒烏冬」、頂級「北海丼」及鎮店特色美食：日式紙火鍋後，雙雙出現心心眼，高呼「滾動」！

Momotaro

在Momotaro享受日本料理的朱慧敏（右）與何傲兒食得開心，身後的和服女子壁畫非常吸睛。

Japanese Paper Shabu Shabu $168
季節性限定日本紙火鍋是本店的重點推介，主廚透露此菜式甚少在香港出現，因為不少餐廳嫌成本高，所以是精心之作，除了新鮮蔬菜，可選牛肉或豬肉，當中盛載美食的油紙可吸走油分，並不肥膩。

Beef Foie Gras $138
選用來自美國的牛柳，口感豐富，更配兩塊匈牙利鵝肝，分量十足，加入香濃汁調味，齒頰留香。

Hokkaido Donburi $268
以北海道盛產的海鮮作賣點，由每日空運到港的碎吞拿魚腩、海膽、三文魚子炮製，十分新鮮，而壽司飯採用日本山形縣的女王米，大粒又「煙韌」。

Nabeyaki Udon $138
鍋燒烏冬有別於傳統做法，除了有天婦羅蝦及溫泉蛋外，更有牛肉或豬肉選擇，適合不同口味的客人，同時以石頭鍋加強保溫效果，是創新的做法。

（左起）Jac Hung、何傲兒、朱慧敏、Leo Kwok
試菜的朱慧敏與何傲兒跟主廚Leo Kwok及壽司師傅Jac Hung合照，並祝Momotaro客似雲來。

青山征晃曾任米芝蓮星級餐廳主廚。

調酒師調製日式特飲，招牌作是Yama momotaro。

酒吧擺放日本傳統的神怪面具，甚具特色。

朱慧敏試飲雞尾酒後大讚。

沿餐廳水牌旁的長樓梯行上去轉左便到達Momotaro。

本身有投資飲食生意的Queenie不時四出試菜，是名副其實的食家。她得知酷愛日本菜的Lily，早前遊日回港後，欲在香港尋找具水準的日本餐廳，遂開心Share其至愛：Momotaro高級日本料理！

Queenie貴為食家，不但嘴刁，而且眼利！她與Lily踏進Momotaro，即從裝修、陳設細細說起，她說：「Lily你都知我開餐廳啦！我對食客心態都略有研究，依家嘅食客已經唔只食食物質素，佢哋仲係食環境、食服務，對餐廳環境、裝修有一定要求。Momotaro日文意思係桃太郎，呢度嘅裝修就好有日本和風色彩，陳設仲將傳統Crossover新派，吧台下半部用咗和服嘅腰帶做點綴，好日本風！牆上嘅大壁畫，就用咗好Modern嘅畫風，有一種新潮嘅時代感！食客喺呢種環境，感覺特別舒服！」

Lily則看出餐廳選址的心思，她說：「餐廳選址喺UG層，私隱度較地舖高，可以畀食客安心食飯，另外因為餐廳喺UG層，有一個長長嘅露台，到咗夜晚，食客即使置身餐廳都可以欣賞到中環夜景，情調一定好浪漫！」

鵝肝唔油烏冬清甜

說時遲，那時快，兩人從18道Lunch Set中「柯打」的3道名菜：極品「鵝肝牛柳」、王牌「鍋燒烏冬」及頂級「北海丼」已經上桌，「Itadakimasu（我要吃了）！」，兩人說了一聲日語，隨即開動味蕾！Lily食過鵝肝牛柳後，大感不解：「平時食鵝肝都會覺得好『漏』，但係呢款鵝肝牛柳不但有香濃嘅鵝肝味，食落仲唔覺太油，點解嘅？啲牛柳肉汁好豐富，口感嫩滑，生熟程度控制得啱啱好，夾埋鵝肝嘅香，相得益彰，我好鍾意呀！至於鍋燒烏冬嘅湯底做得好清甜，烏冬夠滑，索咗湯底嘅精華，仲有半生熟嘅蛋漿！我好想飲晒成碗湯落肚呀！」

美食當前，女士會變成夏娃，真情流露，渾然忘我！Queenie亦不例外，她說：「呢個北海丼嘅食材由日本空運到港，我最欣賞係啲海膽，好鮮甜！出面食嘅海膽有時會帶啲鹹味，但呢個海膽就好Fresh！大廚雖然配備咗生磨嘅Wasabi畀食客，但係啲三文魚子、吞拿魚本身已經好鮮味，食過呢個飯，晏晝返工都精神啲！」

牛肉嫩滑齒頰留香

此時鎮店特色美食日式紙火鍋已然上桌，單是賣相已教人心動，Lily吃一口牛肉後，現出心心眼，她說：「好嫩滑嘅牛肉，牛嘅香味喺口腔游走，我諗呢種就係人哋成日講嘅齒頰留香！」Queenie亦被深深「滾動」，她說：「我覺得紙火鍋好神奇！日本嘅油紙吸油，但唔吸湯，令個湯更鮮甜，食得更健康！能夠食到熱騰騰嘅美食，我覺得係好幸福、好溫暖、好窩心嘅體驗！呢個紙火鍋雖然晚市至有得食，但想像入夜後，同朋友撐枱腳，望住啲火光，享受美食，情景都幾似燭光晚餐！」

鐵三角炮製頂級美食

由加州米芝蓮星級餐廳Asanebo Restaurant主廚青山征晃師傅擔任行政總廚，並由Leo Kwok擔任主廚及Jac Hung擔任壽司師傅，炮製頂級日本菜，這個鐵三角無懈可擊。為迎合不同口味的食客，餐廳午餐由原本10款加至18款，當中力推鵝肝牛柳（Beef Foie Gras）、鍋燒烏冬（Nabeyaki Udon ）及北海丼（Hokkaido Donburi），全店特色美食是主廚精心炮製的季節性限定紙火鍋（Japanese Paper Shabu Shabu），令人垂涎三尺！酒吧有調酒師即場調製雞尾酒，而每款雞尾酒以不同國家名稱命名，當中招牌作Yama momotaro是以清酒、紅莓、柑橘及桃調製的日式特飲。