陳彥行、黃心穎、魯振順及陳柏宇前晚在將軍澳電視城為《Sunday好戲王》任嘉賓，提到節目有機會考喊功，陳彥行說：「大家覺得我係傻大姐，其實我好悲觀，成日喺屋企喊，有時諗吓年幾前離世嘅狗又喊，自己都去上寵物離世輔導。」她憶起飼養了七年的愛犬即傷心得淚如泉湧：「腦裏面經常浮現佢嘅畫面，好自責，如果早啲送佢去醫院，會唔會救得番呢？呢份內疚同自責係一世，覺得自己好似係兇手咁，好內疚！」

愛犬已離世年多，陳彥行憶起舊事仍不禁落淚。

黃心穎則透露事前有重溫節目準備，更特別穿上運動裝：「綵排都好需要體力，有Part要撻來撻去，玩到出晒汗。」談到最近與羅嘉良拍攝劇集《與諜同謀》並演其女兒，她笑說：「我平時都唔會叫佢做Daddy嘅，同佢合作都緊張，但佢好Nice。」